கேள்வி :..தமிழர்கள் அக்காவின் மகளை திருமணம் செய்யும் பழக்கம் உள்ளவர்கள். இந்த பழக்கத்தின் தோற்றம் என்ன? இது சரியா?

பதில் :..

குருதி உறவு, இரத்த சம்பந்தம், இரத்த பாத்தியம், உறவின் முறை, உதிரக் கலப்பு - Consanguinity : இன்றைய விவரம் தெரிந்த நகர்ப்புறத்து இளைய தலைமுறை பிள்ளைகள் அக்கா, அத்தை, மாமன் வழி திருமணங்களை தவிர்க்கின்றனர், எதிர்க்கின்றனர். ஆனால் சிற்றூர்களிலும், கிராமங்களிலும் இன்னும் வழக்கில் உள்ளது.

பழக்கத்தின் தோற்றம்: 1)சொத்து குடும்ப வட்டத்திற்குள் இருத்தி வைத்தல், 2)நெருங்கிய உறவாயிருப்பதால் குடும்பப் பின்னணி, பிள்ளைகளின் குணநலன்கள் பற்றிய புலனாய்வு தேவையில்லை, 3) சண்டை, சச்சரவு என்றேதேனும் வந்தால் பெரியவர்கள் உரிமையோடு தலையிட்டு தீர்வு காண்பது எளிது.

உறவின் முறை / குருதி உறவு (First Cousins) திருமணங்களைப் பற்றி மரபணு(genetic) ஆராய்ச்சியாளர்களிடம் மாறுபட்ட விவாதங்கள் நடைபெற்ற போதிலும் மேலை நாடுகளில் இத்தகைய பிணப்பை கூடாபாலுறவு/முறை தகா உறவு(Incest) என்றும், அத்தகைய உறவில் பிறக்கும் குழந்தைகள் மரபணு நோய் (genetic disease), மரபணு சீர்குலைவு(genetic disorder) உள்ளாவார்கள் என்ற கருத்து நிலவுகிறது.

சங்க காலத் தமிழகத்தில் இத்தகைய திருமணங்கள் வழக்கத்தில் இருந்ததற்கான சான்றுகள் என் கண்களில் தென்படவில்லை.