கேள்வி : நான் ஒவ்வொரு மாதமும் வங்கியில் ரூபாய் 1500 சேமிக்கிறேன், வங்கி எனக்கு 7% வட்டியை வழங்குகிறது, 50 ஆண்டுகளுக்குப் பிறகு எனது சேமிப்பு எவ்வளவாக இருக்கும்? இந்த பதிலைக் கண்டுபிடிக்க என்ன சூத்திரம் எனக்கு உதவும்? வரையறையைக் கூறுங்கள்.

என் பதில் :..

ஐம்பது ஆண்டு (= 600 மாத) முடிவில் தோராயமாக கிடைக்கும் தொகை ₹82,19,492.

Assumptions:

(1) மாத ஆரம்பத்தில் (மாத முடிவில் அல்ல) ₹1,500 என மாதந்தோறும் சேமிக்கிறீர்கள்;

(2) கூட்டுவட்டி முறையில் மாதந்தோறும் (Monthly compounding frequency) வட்டி கணக்கிடப்படுகிறது.

சூத்திரம்: மைக்ரோஸாஃப்ட் எக்ஸெல் சூத்திரத்தைப் பயன்படுத்தி "எதிர்கால மதிப்பை" [Future value (FV)] கண்டுபிடிக்கவேண்டும்.

= FV(rate,nper,pmt,[pv],[type])

= FV (0.5833%, 599, -1500, -1500, 1)

= ₹82,19,492.

வழிமுறை

rate = 7% ஆண்டு வட்டியை மாத வட்டியாய் மாற்ற வேண்டும் = 7%/12 = 0.5833% (மாத வட்டி)

nper = Number of periods = மொத்த சேமிப்பு மாதங்கள் = 599 (குறிப்பு: 600 மாதங்களில், முதல் மாத ஆரம்ப சேமிப்பை Present value (pv) எனக் கொண்டால் மீதம் இருக்கும் 599 மாதங்களுக்கு தலா ₹1,500 சேமிக்க வேண்டும். "nper"-இன் மதிப்பை 599 என்று இட வேண்டுமேயன்றி 600 என இடுவது தவறு.)

pmt = மாதந்தோறும் சேமிப்புத் தொகை : -1500. (பணம் வெளியே போவதால் தொகைக்கு முன்னால் Negative sign இட வேண்டும்.)

pv (Present value) = -1500 (அதாவது, முதல் மாத ஆரம்பத்தில் போடும் பணம். பணம் வெளியே போவதால் தொகைக்கு முன்னால் Negative sign இட வேண்டும். இந்த Present value புரிவதற்கு சிறிது கடினமாக இருக்கலாம். அதை எளிதாக்க உங்கள் கேள்வியை மாற்றி அமைக்கிறேன்: இன்றைய தேதி 1 ஜனவரி 2020 என்றால், இன்று ₹1,500 கட்டி, இனி வரப்போகும் 599 மாதங்களின் முதல் தேதியில் தலா ₹1,500 கட்டப்போகிறேன். எதிர்காலத்தில் 599 மாதத் தவணைகளில் கட்டப்போகும் தொகைகளை 0.5833% மாத வட்டியில் (= (ஆண்டு வட்டி 7%) / 12) discounting செய்தால் கிடைக்கும் இன்றைய மதிப்பு (Present value) = ஜனவரி 1, 2020 தேதியில் கட்டிய ₹1,500. எனவே ஜனவரி 1, 2020 தேதியில் கட்டிய தொகையை Negative sign சேர்த்து (-1500) என "pv"-க்கு இடுகிறோம்.]

type = 1 (மாதா மாதம் ஆரம்ப தேதியில் சேமிப்பு என்பதால் "1" என இட்டிருக்கிறேன். மாத இறுதித் தேதியில் சேமிப்பு என்றால் "0" என இட வேண்டும்.)

****************

Sivakumar.V.K

(Home Loans,Home Loans To NRIs) 

Coimbatore,Pollachi, Udamalpet

Mobile --09944066681 Call or sms
siva19732001@gmail.com
CAR LOANS,MUTUAL FUND,FIXED DEPOSIT,HOME LOANS,INSURENCE
Please be free to communicate at any time and it is our pleasure to serve you always.