வாழ்ந்தால் இவரைப் போல தான் வாழ வேண்டும் என்றால் நீங்கள் யாரைச் சொல்வீர்கள்?

எலோன் மஸ்க்

தாய், தந்தையரின் பிரிவு கடினமான குழந்தை பருவத்தை தந்தது.
சிறு வயது முதலே 10 மணி நேரம் வாசிக்கும் பழக்கம் கொண்டவர். ஒரு சமயத்தில் இவர் படிப்பதற்கு இவர் ஊரில் உள்ள நூலகத்தில் புத்தகம் இல்லாத அளவிற்கு அனைத்து புத்தகங்களையும் படித்து விட்டிருந்தார்.
தானாகவே குறியீடும்(coding) கற்றுக்கொண்டு தனது 12-ஆம் வயதில் ஒரு கணினி விளையாட்டை எழுதி 500 டாலர்-க்கு விற்றார்.
இன்று நாம் உபயோகிக்கும் பேபால்(paypal) இவர் நிறுவி பின்பு இ-பே(e-bay)விடம் விற்றுவிட்டார்.
பேபால்-ஐ விற்றதன் மூலம் வந்த 250 மில்லியன் டாலர்களை டெஸ்லா(Tesla) எனும் எலக்ட்ரிக் கார் கம்பெனியும், ஸ்பேஸ்-எக்ஸ்(Space-x) ராக்கெட் உருவாக்கும் கம்பெனியும் நிறுவினார்.
முதல் மூன்று முறையும் ராக்கெட் ஏவுதலில் ஏமாற்றம். நான்காம் முறை தான் வெற்றியை சுவைத்தார்.
உலகிலேயே முதன்முதலாக திரும்ப உபயோகிக்க கூடிய ராக்கெட்டை கண்டுபிடித்தவர் மஸ்க்.
சோலார் சிட்டி எனும் கம்பெனியில் பெரும் முதலீட்டை செய்தார். இதன் மூலம் தன் கம்பெனியில் இருந்து கார் வாங்குபவர்களுக்கு இலவசமாக சார்ஜ் செய்ய வழிவகை செய்தார்.
ஹைப்பர் லூப் எனப்படும் அதி வேக ரயில் திட்டத்தை தீட்டி அதை அமல்படுத்தவும் செய்தார்.
மக்களை செவ்வாய் கிரகத்திற்கு அனுப்ப இப்போது மும்மரமாக வேலை செய்து கொண்டிருக்கிறார்.
உலகம் முழுவதற்கும் இலவச வை-பை வசதியை ஏற்படுத்த திட்டம் உள்ளதாகவும் தகவல் பரவி உள்ளன.
தன் வெற்றிக்கு காரணம் தான் படித்த புத்தகங்கள் தான் என்று பல முறை மஸ்க் கூறியதுண்டு. உண்மையாக மனித சமூகத்திற்காக உழைக்கும் உன்னத மனிதர் இவர். ஒரு நாளைக்கு 5மணி நேரம் தூக்கம் மட்டுமே. விழித்திருக்கும் அனைத்து நேரங்களும் உழைத்துக்கொண்டிருக்கும் ஒரு கடின உழைப்பாளி.

கடினமான சூழலின் போதும் விட்டுக்குக்கொடுக்காதவர். இல்லை என்றால் என்னவென்று தெரியாத மனிதர். பல தடைகளை தகர்த்தெறிந்தவர்.

நீங்கள் விட்டுக்கொடுக்காதபோது ஒரு மாயாஜாலம் ஒன்று நடக்கிறது. அது எப்படியோ தெரியவில்லை பிடிவாதமாக இருக்கும் ஒரு மனிதர் மீது இந்த பிரபஞ்சம் காதல் கொண்டுவிடுகிறது.......